ABŞ hərbi qərargahlar rəisi deyib ki, Birləşmiş Ştatlar və Cənubi Koreya Şimali Koreyanın hücumuna cavab olaraq birgə hərbi təlimləri davam etdirəcək. Admiral Mayk Mallen Seulda keçirdiyi görüşlərdə Amerikanın Cənubi Koreyanın müdafiəsinə olan öhdəliyini vurğulayıb. Cənab Mallen Cənubi Koreya liderlərini kommunist şimalın Yeonpyeonq adasına artilleriya hücumu qarşısında təmkin nümayiş etdirmələrini alqışlayıb. O, habelə Pxenyana xəbərdarlıq edib ki, təmkin nümayişi o demək deyil ki, gələcək hücumlar cavabsız qalacaq.
