Birləşmiş Ştastların dövlət katibi Hillari Klinton deyir ki, Pakistanla ABŞ arasında münasibətlər dönüş nöqtəsinə çatıb və Pakistan terrorizmlə mübarizədə həlledici addımlar atmalıdır. Xanım Klinton bu bəyanatla ABŞ-ın xüsusi təyinatlı qüvvələrinin Üsama Bin ladeni öldürməsindən sonra bu ölkə ilə münasibətlərin yaxşılaşması məqsədi ilə İslamabada etdiyi qısa səfəri zamanı çıxış edib. Xanım Klinton may ayının 2-si Abbottabadda keçirilən reyddən sonra Pakistana səfər edən ABŞ-ın ən yüksək rütbəli rəsmisidir.