Accessibility links

ABŞ-ın tarixi ev-muzeyləri (VİDEO)


ABŞ-ın tarixi ev-muzeyləri (VİDEO)

ABŞ-ın tarixi ev-muzeyləri (VİDEO)

ABŞ-dakı tarixi evlər hər zaman turistlərin diqqət mərkəzində olub. Elvis Preslinin Qreyslend və Corc Vaşinqtonun Mount Vernon ev muzeyləri tarixi evlər arasında ən məhşurlarıdır. Ancaq bəzi kiçik tarixi evlər də əvvəllər orada yaşamış tanınmışların xatirələrini özündə təcəssüm etdirir.

Virciniya ştatının Vinçester şəhərində kiçik bir ev qapısını ziyarətçilərin üzünə avqust ayında açıb. Bu ev 30 yaşında dünyasını dəyişmiş, Amerikanın bir zamanlar ən çox sevilən qadın vokalistlərindən birinin evi olub.

Pətsi Klaynın (Patsy Cline) “Greatest Hits” albomunun 10 milyon nüsxəsi satılıb. O, bu evdə 16-21 yaşlarında ailəsi ilə birlikdə yaşayıb.

Cudi Sui Hayet-Kempf Pətsi Klayn ev-muzeyinin direktorudur.

“O, bura köçdükdən sonra yerli vokal müsahibəsində iştirak edir, kilsədə ifa edirdi”-deyə Cudi bildirir.

Patsy Cline moved to this small, white house in Winchester, Virginia, with her family when she was 16 and still known as Virginia Hensley.

Patsy Cline moved to this small, white house in Winchester, Virginia, with her family when she was 16 and still known as Virginia Hensley.

Pətsinin dayısı qızı Patrisiya Brannon ev-muzeyində bələdçilik edir.

Pətsidən 6 yaş balaca olan Brannon uşaqlıqda tez-tez onunla bir yerdə olub: “Burada onun anası, qardaşı, bacısı və özü yaşayırdı. Onlar maddi baxımdan çətin günlər keçirirdilər.”

Brannonun uşaqlıq xatirələri bu evin 1940-ci illərdəki variantda bərpa olunmasına kömək edib. O, 50 ildən sonra nəhayət ki, Vinçester şəhərinə bibisi qızını şöhrəndirməsinə görə təşəkkür edir.

Pətsini Vinçesterə bağlayan başqa amillər də var. Onun pərəstişkarları vokalistin qəbrini illər uzunu burada ziyarət edib.

Ancaq Hayet-Kempf deyir ki, pərəstişkarlar ev-muzeyinin açılışını çoxdan gözləyirdi: “Bu bir Pətsi tarixidir, o burada gəzib, yeyib, yatıb. Ev balaca olduğu üçün biz içəriyə 20-dən çox insanın daxil olmasına icazə vermirik. İlk 5 gündə 600 insan buranı ziyarət edib”.

ABŞ-ın tarixi ev-muzeyləri (VİDEO)

ABŞ-ın tarixi ev-muzeyləri (VİDEO)

Babe Ruth dünyada ən güclü beysbolçulardan biri olub. O, Merrilend ştatının Baltimor şəhərində dünyaya gəlib.

Mayk Gibbons Babe Ruth ev-muzeyinin direktorudur. O deyir ki, Ruth ilk idman ulduzu olub: “O, idman agenti olan ilk idmançı idi. Ruth əmtəə məhsullarını reklam edən ilk idmançı olub”.

Ruthun doğum yerinin 1960-cı ildə dağıdılması planlaşdırılsa da, Baltimor sakinləri evi bərpa edib və 40 ildir ki, onu ev-muzeyi kimi qoruyur.

Hazırda evdə Ruthun həyatını əks etdirən çoxsaylı eksponatlar var.

Ancaq heç də bütün tarixi evlər belə lüks olmur. Baltimorun ən qədim evi olan bu ev Amerikanın görkəmli yazıçısı Edqar Allan Ponun evidir.

Po əsasən qorxulu şeirləri və hekayələri ilə tanınır.

ABŞ-ın tarixi ev-muzeyləri (VİDEO)

ABŞ-ın tarixi ev-muzeyləri (VİDEO)

Cef Cerimi ev muzeyinin kuratorudur: “Ehtimal edirik ki, o burada 1832-1835-ci illərdə yaşayıb. Po bura köçəndə 25 yaşı olub və bu balaca evdə xalası uşaqları Henru və Virciniya, həmçinin xalası maria Klemm və nənəsi ilə yaşayıb”.

Ponun çardağı otağın o zamanki vəziyyəti şəklində dizayn edilib.

Bu ev-muzeyin gələn ilin iyunundan sonra ictimaiyyətə qapanacağı ehtimal olunur.

  • 16x9 Image

    Emil Quliyev

    Amerikanın Səsində 2007-ci ildən fəaliyyət göstərir. "Amerikana" proqramının təsisçisi və aparıcısı, "Amerika İcmalı" həftəlik televiziya proqramının baş prodüseridir.  Çoxsaylı siyasi, sosial və analitik müsahibə və reportajların müəllifidir.

XS
SM
MD
LG