Accessibility links

Azərbaycan müəllimləri ABŞ-a səfər edib


Azərbaycan müəllimləri ABŞ-da səfərdədir

Azərbaycan müəllimləri ABŞ-da səfərdədir

ABŞ Dövlət Departamenti tərəfindən həyata keçirilən və tam maliyyələşən Beynəlxalq Ziyarətçılərin Liderlik Proqramı (BZLP) çərçivəsində bir qrup Azərbaycanın müxtəlif universitetlərini təmsil edən və SABAH qrupları üzrə çalışan müəllim heyəti Amerikaya səfər edib.

ABŞ səfirliyinin məlumatına görə, proqram 20 gün davam edəcək, “ABŞ-da Ali Təhsilin İdarə Olunması” mövzusu üzrə peşəkar görüşlərdən ibarətdir. Peşəkar mübadilə ilə yanaşı, proqramın əsas məqsədlərindən biri də iştirakçılar və Amerika xalqı arasında qarşılıqlı anlayışın təkmilləşdirilməsidir.

İştirakçılar paytaxt Vaşinqton şəhəri, Nyu York, Oklahoma, Utah, Miçiqan ştatlarına səfər edərəkABŞ ali təhsil müəssisələrinin inzibati quruluşu, hazırkı çətinlikləri və nailiyyətləri və islahatları ilə tanış olacaq. Azərbaycanın müəllim heyəti həmçinin ABŞ ali təhsil müəssisələrinin idarəsinə yönəlmiş strateji planlaşdırmada müasir tendensiyaların önəmli rolunu tədqiq edirlər.

XS
SM
MD
LG