Accessibility links

Birləşmiş Ştatlar və Kuba soyuq müharibə dövründən başlayaraq 50 ildən artıq sürən düşmənçiliyə son qoymaq məqsədilə Havanada iki gün sürəcək tarixi danışıqlara başlayıb.

Danışıqlar ABŞ prezidenti Barak Obama və Kuba prezidenti Raul Kastronun iki ölkənin normal diplomatik münasibətlərin bərpasına hazır olduğunu elan etməsindən bir ay sonra keçirilir.

Danışıqların birinci günü mühacirət məsələləri, xüsusilə də Vaşinqtonun uzun müddətdir Amerikaya gələn kubalıların Birləşmiş Ştatlarda qalmasına icazə verdiyi siyasəti diqqət mərkəzində olacaq.

Cümə axşamı danışıqların ikinci günü isə diplomatik münasibətlərin bərpası istiqamətində atılacaq addımlar, o cümlədən, hər iki ölkənin paytaxtında ABŞ və Kuba səfirliklərinin açılması müzakirə ediləcək.

Danışıqlar zamanı ABŞ-ın 1961-ci ildə Kubaya qarşı tətbiq etdiyi iqtisadi embarqo və Vaşinqtonun Kubanı terrorizmi dəstəkləyən dövlət kimi tanıması da müzakirələr zamanı yer alacaq.

XS
SM
MD
LG