İntiharçının Kabildə Avropa Birliyinə aid polis avtomobilinə qarşı bomba hücumu küçədən keçən bir nəfərin ölümünə, beşinin isə yaralanmasına səbəb olub. Avtomobildə olan sərnişinlərdən heç biri xəsarət almayıb. Hücumun məsuliyyətini Taliban öz üzərinə götürüb.
Avropa polisinin (EUPOL) təlim missiyasının bildirdiyinə görə, bomba hücumu bu gün günortadan sonra Kabilin şərq bölgəsindəki baş qərargah yaxınlığında həyata keçirilib.
Taliban son həftələr Kabildəki hökumət və hərbi strukturlara, eləcə də xarici nümayəndəliklərə hücumlarını intensivləşdirib.