Accessibility links

Bu gün Amerikada Şükran bayramıdır [Fotoqalereya &Video]


Prezident Barak Obama ənənəyə uyğun olaraq iki hind toyuğunu əvf edib

Milyonlarla amerikalı Şükran bayramını nahar ziyafəti ilə qeyd edir.

Çərşənbə günü ABŞ prezidenti Barak Obama prezident ənənəsinə sadiq qalaraq iki hind toyuğunu əvf edib.

Bu bayramın tarixçəsi 17-ci ərsdə Şimali Amerikaya gəlmilş Avropa kolonistlərinin üzləşdikləri ağır qış mövsümünə tab gətirmələrindən qaynaqlanır.

Nəhəng şarlarla müşayiət olunan Macy’s Şükran Paradı bayramın əsas cizgilərindən biri sayılır. Hər il Nyu York şəhərində keçirilən təmtəraqlı Şükran paradını milyonlarla amerikalı televizorda izləyir.

Amerikalılar Şükran bayramını nahar süfrəsində hind toyuğu yeməklə və naharın ardınca ənənəvi futbol matçına baxmaqla qeyd edirlər.

Şükran bayramını qohumları və dostları ilə birlikdə qeyd etmək üçün milyonlarla amerikalı aeroportlara gedir və ya maşınla səfərə çıxır. Bu bayramda amerikalılar bir ənənə olaraq hindquşu qızardır və piroqlar bişirir, ailələri və yaxınları ilə birlikdə vaxt keçirir.

Təxminlərə görə, bayramın keçiridiyi həftə çərşənbə günü ilə bazar günü arasında 43 milyona qədər amerikalı yaxınları ilə görüşmək üçün 80 km və artıq məsafə qət edir.

Amerikada ilk dəfə Şükran bayramı 1621-ci ildə bu ölkəyə gələn ilk mühacirlərin Şimali Amerikada sərt qışdan sonra yetişdirdikləri məhsulun bayram edilməsi olub. Bundan bir əsr sonra, 1789-cu ildə Amerikanın ilk prezidenti Corc Vaşinqton bayramın rəsmi olaraq qeyd edilməsi qanun verdi.

XS
SM
MD
LG