Accessibility links

Amerika rəsmisi Bakıda danışıqlar aparıb


Amerika rəsmisi Bakıda danışıqlar aparıb

Amerika rəsmisi Bakıda danışıqlar aparıb

ABŞ dövlət katibinin müşaviri ölkə rəhbərləri və müxalifətlə danışıqlar aparıb

Amerika dövlət katibinin Cənubi Qafqaz regionu üzrə müşaviri xanım Tina Kaydanou Azərbaycanda rəsmi səviyyədə və müxalifətdə olan siyasi partiyalarla görüşlər keçirib.

Rəsmi məlumatlarda deyilir ki, xanım Kaydanou prezident Əliyev və xarici işlər naziri Elmar Məmmədyarovla görüşlərində Azərbaycan ilə ABŞ arasında ikitərəfli əlaqələr, Ermənistan-Azərbaycan münaqişəsi ilə bağlı danışıqlar prosesinin gedişi və eləcə də qlobal maraq doğuran digər məsələlər ətrafında fikir mübadiləsi aparılıb.

Dövlət katibinin müşavirinin müxalifətdə olan siyasi partiyalarla görüşü iki saatdan çox çəkib. “Müsavat” başqanı İsa Qəmbər “Amerikanın səsi” radiosuna bildirib ki, görüşdə əsas müzakirə demokratiya və qarşıdakı parlament seçkiləri ətrafında olub. O görüşü faydalı və səmərəli kimi qiymətləndirir.

Cənab Qəmbərin dediyinə görə, Amerika Azərbaycanda parlament seçkilərində müsbət dəyişiklik gözləyir.

AXCP sədri Əli Kərimli demokratiya və seçki məsələləri ilə yanaşı təhlükəsizlik məsələsinin də diqqət mərkəzində olduğunu deyib. Onun fikrincə, bölgədə vahid təhlükəsizlik sistemi olmadan problemlər həllini tapmayacaq. “Rusiyanın Ermənistana daha 49 il təhlükəsizlik təminatı verməsi problemlərin həll edilməyəcəyinə mesajdır”.

XS
SM
MD
LG