ABŞ hökumətinin hesabatında bildirilir ki, hazırda Amerikada evli çütlüklər azlıq təşkil edir. 1950-ci ildə amerikalıların üçdə iki hissəsi evli idi.Uşaqlı ailələr isə televiziya şoularına çıxarılırdı. Əhalinin siyahıya alınma börosunun hesabatında keçən il Amerikada evlilərin 48 faiz təşkil etdiyi deyilir. Bu, ABŞ tarixində ilk aşağı göstəricidir. Uşaqlı və evil ailələr hər beş evdən birinin payına düşür. Rəsmən evlənmədən birlikdə yaşayanların sayı son 10 ildə 25 faiz artıb. Təhlilçilərin fikrincə, maddi gələcəklərini təminat altına ala bilməyənlər evlənməkdən imtina edir. Bundan əlavə amerikalıların ömürlərinin uzandığı da bildirilir. Hesabatda tək yaşayan yaşlıların artdığı qeyd edilir.