Accessibility links

Amerikana: Nağılvari Milad işıqları [Video]


Amerikana proqramının bu dəfəki buraxılışında sizi Birləşmiş Ştatlarda Milad mövsümünün əhval-ruhiyyəsi ilə tanış edirik. Amerikanın ən böyük bayramı sayılan Christmas - Milad bayramı təqribən bir ay davam edir. Şükran bayramından bir gün sonra evlər, küçələr, ticarət mərkəzləri bərq vuran işıqlarla bəzənir.

Deyilənə görə Milad bayramının kökləri Saturnun şərəfinə qədim Romada bayram edilən Saturnaliyadan qaynaqlanır. Uzun və soyuq qış fəslində dekabrın 17-dən 23-dək romalılar şadlıq edər, bir neçə günlüyə də olsa dünyanın dərd-qəmini unutmağa çalışardılar. Ola bilsin, sonradan xristian dinini qəbul edən Roma İmperiyasının sakinləri elə bu səbəbdən bayramı yeni, fərqli ənənəyə uyğun qaydada davam etdirməyə qərar vermişdilər.

Başqa ölkələrdə Yeni İl bayramı qeyd olunurkən, dindar puritanların əsasını qoyduqları Amerikada dekabrın 25-i, İsa Məsihin doğum günü əsas bayram hesab edilir. Dekabrın 24-ü, bayram gecəsi bütün kilsələrdə təmtəraqlı Milad mərasimi keçirilir. Merry Christmas təbriki Happy New Year təbriki qədər önəm daşıyır.
  • 16x9 Image

    Emil Quliyev

    Amerikanın Səsində 2007-ci ildən fəaliyyət göstərir. "Amerikana" proqramının təsisçisi və aparıcısı, "Amerika İcmalı" həftəlik televiziya proqramının baş prodüseridir.  Çoxsaylı siyasi, sosial və analitik müsahibə və reportajların müəllifidir.

XS
SM
MD
LG