ABŞ prezidenti Barak Obama Konqresin respublikaçı nümayəndələrini İstehlaka Nəzarət Agentliyi rəhbərliyi vəzifəsinə nominasiya etdiyi Riçard Kordreyin təsdiqinə çağırıb. Həftəlik radio müraciəti zamanı ABŞ dövlət başçısı deyib ki, qanunvericilər amerikalıları kredit şirkətlərindən müdafiə etməlidir. O, Vol Stritdə bir çoxlarının istehlakçıların hesabına böyük pullar qazandığını bildirib.
Respublikaçıların həftəlik müraciəti zamanı Nümayəndələr Palatasının spikeri Con Beyner gələn həftə partiyasının iqtisadi planını açıqlayacağını bəyan edib.
