ABŞ dövlət katibi Hillari Klinton İranın nüvə proqramının müzakirəsi və İraqın yeni hökumətinə dəstək məqsədi ilə İran körfəzinə səfər edir. Birləşmiş Ərəb Əmirlikləri, Oman və Qətərdə olacaq xanım Klinton körfəz ölkələrinin liderləri ilə yanvar ayının 20-də İstanbulda keçiriləcək nüvə danışıqlarını müzakirə edəcək. Hillari Klinton yola düşməzdən əvvəl müxbirlərə deyib ki, BMT-nin İrana qarşı qarşı sansiyaları məsələsi də gündəmə çıxarılacaq. Qətərdə dövlət katibi Ərəb ölkələri və 8 sənayeləşmiş dövlətin “Gələcək Forumu” adlı tədbirində iştirak edəcək.