Misir bildirir ki, İran körfəz ölkələrinin daxili işlərinə müdaxilə etməməlidir. Qətərin “Əl-Şərq” qəzeti Misirin xarici işlər naziri Əhməd Əbul-Geytə istinadən bildirib ki, İran Livan və İraqın siyasi mübahisələrinə qarışmamalıdır. Misir prezidenti Hüsnü Mübarəki Doha səfəri zamanı müşayiət edən nazir İranı beynəlxalq ictimaiyyətlə nüvə proqramına dair mübahisələrin diplomatik yolla həllinə çağırıb. Tehranla Qahirə arasındakı əlaqələrdə 1980-ci il İran islam İnqilabından sonra soyuqluq yaranıb.