Rusiya rəsmiləri ordu arsenalının müasirləşdirilməsinə 700 milyard dollar sərf ediləcəyini bildirir. Mətbuatın yaydığı xəbərlərə görə, planda silahlı qüvvələrin yeni döyüş təyyarələri, vertolyotlar və hərbi gəmilərlə təmin edilməsi nəzərdə tutulur. Müasirləşmə planı Rusiya prezidenti Dmitri Medvedev tərəfindən bu gün bəyan edilib. Burada hərbiçilərin maaş büdcələrinin 3 dəfə artırılması da yer alır. Zabitlərin başlanğıc məvacibi 1756 dollar ( 50 min rubl) olacaq. İnterfaks xəbər agentliyi prezidentə istinadən hərbiçilərin sayının 220 minə, müqavilə ilə xidmət göstərən əsgərlərin sayının 425 minə çatdırılacağını bildirib.