Prezident İlham Əliyev Belçikanın senatoru, AŞPA-nın Hüquqi İşlər və Demokratiya üzrə Komitəsinin sədri, Azərbaycanda insan haqları üzrə məruzəçi Alen Destekslə görüşüb.
Alen Desteks 90 saylı Ağdaş seçki dairəsi üzrə Azərbaycan Milli Məclisinə keçiriləcək təkrar seçkiləri müşahidə etmək üçün səfər etdiyini deyib. Bu dairədə təkrar seçkilər iyunun 18-də keçiriləcək.
Görüşdə Bakıda keçirilən Formula1 yarışlarından danışılıb. Həmçinin Azərbaycan ilə Avropa Şurası arasında əməkdaşlıqla bağlı məsələlər ətrafında fikir mübadiləsi aparılıb.
