Avropa İttifaqı Bakını Azərbaycan Konstitusiyasına dəyişikliklərlə bağlı Venesiya Komissiyasının narahatlığını nəzərə almağa çağırıb. Bu barədə Avropa İttifaqı mətbuat xidmətinin 26 sentyabr referendumunun yekunlarına dair bəyanatında deyilir.
Referendum zamanı və ondan öncə bəzi çatışmazlıqlar olub. Səsvermə zamanı bir sıra fəallar saxlanılıb.
“Bütün bunlara, həmçinin Avropa Şurası Venesiya Komissiyasının narahatlığına görə Avropa İttifaqı Azərbaycan hakimiyyətini Venesiya Komissiyasının iradlarını nəzərə almağa çağırır”, bəyanatda vurğulanır.
