Avropa İttifaqı Türkiyəni dünən təsdiq edilən referendumla bağlı şəffaflıq nümayiş etdirməyə çağırıb. İslahatlara dair referendum Türkiyənin 30 illik Konstitusiyasına Avropa normalarına uyğun dəyişikliklər gətirəcək. Avropanın Genişlənməsi Komissiyasının üzvü Stefan Fuele referendumun Türkiyənin islahatlar və vətəndaşlarının azadlığına dair öhdəliklərə sədaqətini nümayiş etdirdiyini bildirib. O, Türkiyəni mümkün qədər tez bir zamanda yeni konstitusiyanın hazırlanmasına çağırıb. Dünən keçirilən səsvermə 1980-ci il hərbi çevrilişin ildönümünə təsadüf etmişdi.