Accessibility links

Strasburq məhkəməsi Azərbaycandan 10 müxalifətçinin şikayətini təmin edib


Avropa məhkəməsi azad seçki hüququ pozulduğuna görə Azərbaycan hökumətini cərimə edib
Avropa məhkəməsi azad seçki hüququ pozulduğuna görə Azərbaycan hökumətini cərimə edib

Məhkəmə 10 müxalifətçinin azadlıq və ədalətli məhkəmə hüququnun pozulduğunu tanıyıb

Strasburq məhkəməsi Avropa İnsan Hüquqları Konvensiyasında zəmanət verilmiş hüquqların Azərbaycan hökuməti tərəfindən pozulmasını tanıyaraq 10 nəfər ölkə vətəndaşının şikayətini təmin edib. Bu barədə Amerikanın Səsi radiosuna vəkil Əsabəli Mustafayev bildirib. O vətəndaşlardan 9-nun hüquqlarını müdafiə edir.

Söhbət 2003-cü il oktyabrın 16-da, prezident seçkilərindən bir gün sonra keçirilən etiraz aksiyasında iştiraka görə həbs edilənlərdən gedir. Onlar Müsavat Partiyasının fəalları – Həsən Məmmədov, Bəhruz Əsədbəyli, Elşad Məmmədov, Saleh Əliyev, Emin Hüseynli, Şirəli Həmidov, Sadiq Daşdəmirli, Ramiz Quliyev, hüquq müdafiəçisi və din xadimi İlqar İbrahimoğlu, “Ehtiyatda Olan Zabitlər Birliyi” QHT-nin rəhbəri Yaşar Cəfərlidir.

Onlar həbslərinin qanunsuz olması ilə bağlı iddia qaldırmışdılar və Strasburq məhkəməsi vətəndaşların azadlıq, ədalətli məhkəmə çəkişməsi hüququnun pozulmasını tanıyıb.

Məhkəmə qərara alıb ki, Azərbaycan hökuməti E.Məmmədova 12 min avro, İ.İbrahimoğluna 12,4 min avro, qalanların hər birinə 10 min avro ödənilsin.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG