Accessibility links

Britaniya və Fransa arasında hərəkət edən qatar bir neçə saatlığına dayanıb. Səbəb qeyri-qanuni mühacirlərin Londona keçmək üçün Avro tuneldən istifadə etdiyinə dair yayılan xəbər olub.

Yüzlərlə sərnişin baş verənlərə görə narahatlığnı bildiriblər.

Fransanın Kalais limanı miqrantların Avro tunel vasitəsi ilə Britaniyaya keçməsi üçün mərkəzə çevrilib.

Çərşəmbə günü 2000-nə yaxın mühacir Budapeştin beynəlxalq vağzalında Almaniya və Avstriyaya keçmək istəyərkən Macarıstan rəsmiləri tərəfindən dayandırılıb.

Avropa İkinci Dünya Müharibəsindən sonra ən böyük mühacir axını ilə üzləşib. Beynəlxalq Miqrasiya Təşkilatı bu il 350 min mühacirin Aralıq dənizi vasitəsi ilə Avropaya keçdiyini bildirib.

Təxminən 2600 nəfərin insan alveri qurbanı olaraq Aralıq dənizində bataraq həlak olduğu deyilir.

Avropa İttifaqına 28 üzv ölkə sentyabrın 14-ü növbədənkənar iclas keçirməyi planlaşdırır. İttifaqın bəzi üzvləri mühacirlərin ölkəyə qəbul edilməsinı qarşı çıxır.

XS
SM
MD
LG