Accessibility links

Avstraliya baş naziri Toni Abbot bildirib ki, sualtıqayıq Hind okeanının dibində itən Malayziya təyyarəsinin axtarışını bir həftəyə tbaşa çatdıracaq.

Abbot Wall street Journal qazetinə müsahibəsində Bluefin-21 adlanan sualtıqayığın təyyarədən heç bir iz tapmadığı təqdirdə rəsmilərin axtarışı dayandıraraq yenidən bir araya gəlib, bundan sonra necə hərəkət etmələri barədə görüş keçirəcəyini deyib.

Axtarışları korodinasiya edən Avstraliya qrupu bildirib ki, qayıq texniki problem səbəbi ilə əvvəlki iki missiyasını yarıda dayandırdıqdan sonra 16 saatlıq missiyasını başa vurub.

Bluefin-21 artıq okean dibinin 90 kvadrat kilometrində axtarılır. Ancaq rəsmilər hələlik heç bir şeyin müşahidə edilmədiyini deyib.

ABŞ Dəniz qüvvələri 600 kvadrat kilometrlik okean dibinin axtarışlarının iki aya qədər uzanacağını bildirmişdi.
XS
SM
MD
LG