Accessibility links

Azərbaycan-Fransa hərbi əməkdaşlığı müzakirə edilib


Azərbaycan-Fransa görüşü

Azərbaycan-Fransa görüşü

2014-cü il üçün müdafiə sahəsində ikitərəfli əməkdaşlıq planı imzalanıb

Dekabrın 17-də Bakı şəhərində Azərbaycan-Fransa ikitərəfli hərbi əməkdaşlıq məsələləri üzrə məsləhətləşmələr keçirilib.

Müdafiə Nazirliyinin mətbuat xidmətinin məlumatına görə, tədbir zamanı iki ölkə arasında hərbi-təhsil və hərbi-texniki sahələrdə əməkdaşlığın mövcud vəziyyəti və gələcək perspektivləri müzakirə olunub, beynəlxalq və regional təhlükəsizlik məsələləri barədə fikir mübadiləsi aparılıb.

Müzakirələrin yekunu olaraq Azərbaycan və Fransan Müdafiə nazirlikləri arasında “2014-cü il üçün müdafiə sahəsində ikitərəfli əməkdaşlıq planı" imzalanıb.

Fransa Respublikasının nümayəndə heyətinə Birləşmiş Qərargahın Beynəlxalq Əlaqələr İdarəsinin Qafqaz, Mərkəzi Asiya, Rusiya Federasiyası və Ukrayna üzrə bürosunun rəisi 1-ci dərəcəli kapitan Aleksis Viler rəhbərlik edir.
XS
SM
MD
LG