Accessibility links

Güclü külək və qasırğa tikililərə ziyan vurub

İyunun 3-də axşam saatlarında Azərbaycanın bəzi şəhər və rayonlarında qasırğa, güclü qərb küləyi əsib.

Fövqəladə Hallar Nazirliyinin məlumatına görə, Gəncədə (Bakıdan 364 kilometr qərb) və Şəmkirdə (Bakıdan 380 kilometr qərb) küləyin sürəti saniyədə 40 metrə çatıb. Həmin ərazilərdə müxtəlif təsərrüfat obyektlərinə və infrastrukturlara ciddi ziyan dəyib.

Gəncə Şəhər İcra Hakimiyyətinin məlumatına görə, qasırğa şəhərin mərkəzində bir neçı binanın dam örtüyün atıb, ağacları aşırıb.

Güclü külək ölkənin aran, şimal-qərb bölgələrində də müşahidə olunub. Şəkidə və Qaxda küləyin gücündın ağaclar, elektrik dirəkləri aşıb. Zaqatalada birmərtəbəli evi ildırım vurub.
Hazırda müvafiq komissiyalar yerlərdə dəymiş ziyanı müəyyənləşdirir.
XS
SM
MD
LG