Accessibility links

Azərbaycan və İran media sahəsində əməkdaşlığı müzakirə edib


Azərbaycan və İran media sahəsində əməkdaşlığı müzakirə edib
Azərbaycan və İran media sahəsində əməkdaşlığı müzakirə edib

İran rəsmisi deyib ki, İran və Azərbaycanın mediası Qərb KİV-nin inhisarını dağıtmaq üçün əməkdaşlığı genişləndirə bilər.

Bazar günü İranın mədəniyyət nazirinin müavini Cəfər Əhəmmədzadə Tehranda səfərdə olan Azərbaycan Prezident Administrasiyasının ictimai-siyasi şöbəsinin müdiri Əli Həsənov ilə görüşüb.

Turan Agentliyinin məlumatına görə, danışıqlar zamanı Tehran nümayəndəsi iki ölkə KİV-i arasında əməkdaşlığı genişləndirməyə çağırıb. “İran və Azərbaycanın kütləvi informasiya vasitələri Qərb KİV-nin inhisarını dağıtmaq üçün əməkdaşlığı genişləndirə bilər”, - nazir müavini vurğulayıb.

O, Tehranda və Bakıda iki ölkə KİV-nin sərgisinin keçirilməsini təklif edib.

Öz növbəsində, Əli Həsənov bildirib ki, ölkəsi İranla əlaqələrin genişləndirilməsində maraqlıdır. O həmçinin qeyd edib ki, İran-Azərbaycan münasibətlərindəki bəzi problemlər düşmən KİV-də dərc edilən yazılardan qaynaqlanıb. Lakin o, bunun hansı KİV olduğunu, söhbətin hansı yazılardan getdiyini dəqiqləşdirməyib.

XS
SM
MD
LG