İraqın hava qüvvələri tərəfindən İslam Dövlətinin lideri Əbu Bəkr Əl-Bağdadinin komandirlərlə görüş keçirdiyi ev hədəf alınıb.
İraq ordusunun bəyanatında deyilir ki, F-16 döyüş təyyarəsi həmin evi şənbə günü hədəf alıb. Lakin evin vurulduğu barədə məlumat verilmir. Bəyanatda öldürülən 13 komandirin adı açıqlanıb. Lakin onlar arasında Bağdadinin adı yoxdur.
İŞİD-in digər 3 mövqeyinə qarşı hücumlar zamanı 64 yaraqlı öldürülüb.
Bağdadi ötən həftə Suriyanın Rəqqa şəhərindən Mosul hadisələri ilə bağlı müzakirələr keçirmək məqsədi ilə İraqın Əl-Qaim bölgəsinə keçib.
Əsl adı İbrahim Əl-Sammari olan Bağdadinin əvvəl bir neçə dəfə yaralandığı barədə xəbərlər yayılmışdı.
