Mother Jones dərgisi "Müsəlman ölkəsindəki Tramp otelinin adı Donald Trampın veb səhifəsindən yoxa çıxıb" adlı yazı dərc edib. Yazıda Bakıda inşa edilən Trump Tower-in adının Tramp Otellər Kolleksiyasının siyahısından çıxarıldığı bildirilir. Məqaləni sizə təqdim edirik:
"Müsəlman ölkəsindəki otel layihəsi Donald Trampın veb səhifəsindən qeyb olub.
Bəs Donald Trampın müsəlmanların çoxluq təşkil etdiyi Azərbaycandakı nəhəng lüks otel layihəsinə nə oldu?
Bu yaxınlarda müsəlmanların ABŞ-a daxil olmasına qadağa tətbiq edilməsinə çağıran Tramp 2014-cü ilin noyabr ayında Bakı otelinin onun otellər zəncirinə daxil olacağını təntənə ilə elan etmişdi.
Bu yay, Mother Jones prezidentliyə Respublikaşı namizədin azərbaycanlı milyarderlə olan razılığından xəbər vermişdi. Bu razılığa əsasən Trampın adı neftlə zəngin Azərbaycanın paytaxtı Bakıda 33 mərtəbəli, yelkən formasında olan şüşə binanın üzərinə vurulacaqdı. Amma bir zamanlar Tramp Təşklatının mətbuat şərhlərində təntənə ilə bəhs edilən bu layihə Tramp korporasiyasına aid veb səhifəsindən çıxarılıb. Saytda Tramp Otel Kolleksiyalarına daxil bütün prestijli otellərin adları sıralanıb ki, bura Nyu-York, Çikaqo, Las Veqas, Mayami, Törnberri (Şotlandiya), Rio de Janeyro və Balidəki otellər daxildir. Hələ açılışı olmayan otellər də daxil olmaqla, hər bir otelin ayrı veb səhifəsi də var. Bir zamanlar bu ilin dekabr ayında Bakıda açılışının baş tutacağı gözlənilən Tramp otelinin də veb səhifəsi var idi. Amma artıq o səhifə heç bir izahat olmadan yoxa çıxıb.
Bəs bu layihəyə nə olub? Tramp Təşkilatı şərh verməkdən imitna edir. Bu yaxınlaradək Bakıda yerləşən oteli təmsil edən publisist artıq bu layihə üzərində işləmədiyini və otelin aqibəti ilə bağlı sualları yalnız Trampın şirkətinin cavablandıra biləcəyini deyir. Mother Jones Tramp otelinin rezervasiya xəttinə zəng edərək, Bakı oteli barədə məlumat almaq istəyib. Satış təmsilçisi layihənin təxirə salındığını və dəqiq açılış tarixinin müəyyən olmadığını bildirib.
Bakı oteli artıq siyasətçiyə çevrilən maqnat üçün böyük mahiyyət daşıyırdı. Bu yaxınlarda müsəlmanların ABŞ-a daxil olmasına qadağa tətbiq edilməsinə çağıran Tramp 2014-cü ilin noyabr ayında Bakı otelinin onun otellər zəncirinə daxil olacağını təntənə ilə elan etmişdi. “Bakı Tramp Beynəlxaıq Otel və Qülləsi” Tramp Təşkilatının geri çəkilməyən standartlarının və bizim təkcə dünyanın ən yaxşı layihələrinə imza atdığımızın göstəricisidir,” deyə daşınmaz əmlak maqnatı öyünürdü. “Biz 2015-ci ildə açılanda, ziyarətçilər və sakinlər Bakıda misli görünməmiş bir dəbdəbəli əmlaklda yaşamaq imkanı əldə edəcəklər (experience) və bu mülkiyyət dünyanın ən gözəl binalarında biri olacaq.” İlk olaraq 2015-ci ilin iyununda açılışı gözlənilən otelin inşasına Trampın qızı İvanka şəxsən nəzarət edirdi.
İyul ayında Trump Otelin Bakıdakı nümayəndəsi Mother Jones-a otelin ilin sonunda istifadəyə veriləcəyini bildirib. Binanın inşası tamamlanmış kimi görünürdü və artıq yeni iş elanları var idi. Amma bu payız Bakıdakı otel Tramp Otel Kolleksiyasının siyahısından yox oldu.
Trampın şəxsi maliyyə məlumatlarının açıqlanması formasında qeyd edilib ki, əmlakın idarə olunması və adının layihə ilə anılması üçün şirkət ötən il azı 2,5 milyon dollar gəlir əldə edib. Otel özü Anar Məmmədova məxsusdur. Milyarder Anar Məmmədov isə avtoritar Azərbaycan hökümətinin nəqliyyat nazirinin oğludur.
Məmmədov Garant adlı şirkəti idarə edir.
İyul ayında Mother Jones-da çıxan məqalədən bir hissə:
“Ötən il Foreign Policy jurnalının dərc etdiyi “Xəzər Dənizini Korleoneləri” adlı məqalədə Məmmədova məxsus Garant çirkətinin gəlirlərinin Nəqliyyat Nazirliyi ilə əldə olunan müqavilələrə bağlı olduğu göstərilmişdi. Məmmədova məxsus digər şirkətlər isə avtomobil yolunun tikintisi müqavilələrindən 1 milyard dollar gəlir əldə edib. Bundan əlavə Bakıdakı bir çox avtobus və taksilər də şirkətə aiddir. 2013-cü ilədək Məmmədov taksilərə ödənilən pulların tranzaksiyasını həyata keçirən bankın səhmlərinin böyük bir hissəsinə və bütün taksiləri sığorta ilə təmin edən şirkətə sahib idi.”
Məmmədov həmçinin Azərbaycan Amerika Alyansının təsisiçisidir. Qrup Vaşinqtonda lobbiçilik səylərinə 1,3 milyon dollar pul xərcləyib. Məmmədovun ABŞ siyasətinə olan marağı ölkənin rəhbərləriyi tərəfindən rejimin kleptokratik imicini yüngülləşdirmək səyləri kiimi qiymətləndirilir.
İnsan haqları qrupları azad mətbuatın qarşısının alınması daxil olmaqla rejimin vətəndaş cəmiyyətinə qarşı təqiblərini qınayır.
Məmədovun qupunu Vaşinqtonda təmsil edən lobbiçi Ceyms Fabiani şərhlə bağlı müraciətə cavab verməyib.
İndi bəs müsəlmanları aşağılayan maqnat Bakı ilə vidalaşıbmı? Otel lahiyəsinin aqibətindən asılı olmayaraq Trampın azərbaycanlı biznes əməkdaşları onun müsəlmanlar əleyhinə ritorikasınından məmnun qala bilməzlər. Məmmədovun müsəlman olub-olmadığı aydın olmasa da, Azərbaycan əhalisinin 96 faizinin müsəlman olduğu aşkardır. Elə bu səbəbdən də Trampın adını daşıyan otel regionda çox gəlir əldə edə bilməz."
