BMT-nin baş katibi Ban Gi Mun Suriya qaçqınlarının köçürülməsini müzakirə etmək üçün Cenevrədə görüş təşkil edib.
“Biz dövrümüzün ən böyük qaçqın böhranını ünvanlamaq üçün buraya toplaşmışıq. Bu məsələdə BMT-yə üzv ölkələrə böyük dəstəyinə ehtiyac duyulur. Amma hər şeydən əvvəl bu görüş insanlar, bizim cəmiyyətimiz haqdadır.” – deyə Ban Gi Mun bildirb.
Görüşdə BMT-nin Qaçqınlar üzrə Ali Komissarlığından Filippo Qrandi Misir, İraq, İordaniya, Livan və Türkiyəyə göstərdikləri dəstəyə görə təşəkkürünü bildirib.
Qrandi qaçqın böhranının müzakirələrin mərkəzində yer almasının vacibliyini vurğulayıb.
BMT-yə üzv ölkələr qaçqınların məskunlaşması üçün 178 min yer hazırlanacağını vəd edib.
BMT-nin qaçqınlar üzrə agentliyi üç ildir Suriyadan köçməyə məcbur olan 4.8 milyon qaçqının onda birinin məskunlaşdırılması üçün yer axtarır.
