ABŞ prezidenti Barak Obama Pakistanda pilotsuz təyyarə hücumlarını müdafiə etdiyini bildirib. İndiyədək ABŞ rəsmiləri heç vaxt bu barədə açıqlama verməyib. Dünənki çıxışında cənab Obama bildirib ki, pilotsuz təyyarə hücumları əl-Qaidə və onun şəbəkələrini hədəf alır və hücumların əksəriyyəti Pakistanın Əfqanıstanla sərhədində yerləşən yarı-muxtar qəbilə ərazilərində həyata keçirilib.
Prezident əməliyyatların çox dəqiqliklə həyata keçirildiyini və ABŞ-ın qeyri-dəqiq hücumların həyata keçirilməsinə yol vermədyini deyib. O, əlavə edib ki, bu kimi əməliyyatlar regionun terroristlərin fəal olduğu əlçatmaz ərazilərdə həyata keçirilir.