Belarus məhkəməsi Aleksandr Lukaşenkonun yenidən prezident seçilməsinə qarşı etiraz aksiyalarının təşkilində ittiham edilən üç fəalın 4 il müddətinə azadlıqdan məhrum edilməsinə dair hökm çıxarıb. Nümayişlər zamanı həbs edilən onlarla insan hələ də məhkəmələrini gözləyir. Keçən ilin dekabr ayında Aleksandr Lukaşenkonun yenidən prezident seçilməsi əleyhinə olan on minlərlə insan seçkilərdə saxtakarlıqlara yol verildiyini deyərək, küçələrə çıxmışdı.
Birləşmiş Ştatların sabiq prezidenti Corc Buş söz azadlığı, insan hüquqlarının pozulması və seçkilərdə saxtakarlıqlara yol verdiyini deyərək, prezident Lukaşenkonu “Avropanın sonuncu diktatoru” adlandırmışdı.