Accessibility links

Beynəlxalq Bankın özəlləşdirilməsi ilə bağlı danışıqlar davam edir


Beynəlxalq Bank

Beynəlxalq Bank

Dövlətə məxsus iştirak payının özəlləşdirilməsi üçün ilk öncə bankın restrukturizasiyası aparılmalıdır

Beynəlxalq Valyuta Fondunun missiyası Azərbaycan Beynəlxalq Bankının (ABB) özəlləşdirilməsi ilə bağlı ümumi strategiyanı müzakirə edib. Bu barədə BVF-in Azərbaycan üzrə missiyasının rəhbəri Raca Almarzogi bu gün keçirdiyi mətbuat konfransında bildirib.

Onun fikrincə, ABB-nin nizamnamə kapitalında dövlətə məxsus iştirak payının özəlləşdirilməsi üçün ilk öncə bankın restrukturizasiyası aparılmalıdır.

“Bu istiqamətdə BVF ilə Azərbaycan hökuməti arasında işlər aparılır. Fond bu sahədə araşdırma aparıb hökumətə tövsiyələr verəcək. Öncə ABB-nin təsisçisi olduğu sığorta və lizinq şirkətləri, həmçinin prosessinq mərkəzinin bankdan ayrılması tövsiyə edilir”, deyə o qeyd edib.

ABB-nin nizamnamə kapitalında dövlətin iştirak payı 50,2%-dir.
XS
SM
MD
LG