Bəhreyndə minlərlə anti-hökumət nümayişçi hökumətin 300 məhbusu azad etməsini alqışlarla qarşılayıb. Bəzi nümayişçilər müxalifət nümayişçilərinin simvoluna çevrilmiş Mirvari meydanında çadır salmış adamlara qoşulublar. Bu arada Bəhreyn rəsmiləri 25 şiə fəal daxil olmaqla 308 məhbusu azad ediblər. Həmin fəallar kiçik körfəz dövlətinin sünni rəhbərliyinə qarşı qəsd hazırlamaqda ittiham olunurdular. Kral Həməd bin İsa Xəlifə müxalifətə güzəşt əlaməti olaraq şiə fəalları çərşənbə axşamı əvf etmişdi.