Accessibility links


BMT-nin müfəttişləri Suriyada hökumət qüvvələri və müxalifət döyüşçülərinin məsulyyətə cəlb olunacaqlarından qorxmayaraq kütləvi qırğın törətdiklərini və insan haqlarının pozulması hallarının davam etdyini bildiriblər.

Suriya ilə bağlı yeni açıqlanan hesabatda BMT komissiyası davamsız atışmalar və mühasirələrlə yanaşı, geniş miqyasda işgəncə və zorlama hallarının baş verdiyi qeyd edilib.

Hesabatda deyilir ki, mülki əhali arasında ölüm halları və insanların öz yaşadıqları yerləri tərk edərək Suriyanın başqa əraziləri, ya da qonşu ölkələrə qaçmasının əsas səbəbi qarışıq və qeyri-proporsional atışmalarla əlaqədardır.

BMT-nin qaçqınlar agentliyinin keçən həftə açıqladığı hesabatda 2011-ci ildə Suriyada münaqişə başlayandan ölkəni 2 milyondan artıq insanın tərk etdiyi bildirilib. Sənəddə 4 milyondan çox insanın məcburi köçkün olduğu qeyd edilib.
XS
SM
MD
LG