Accessibility links

Braziliyada təbii fəlakətlə əlaqədar fövqəladə vəziyyət elan edib


Braziliya rəsmiləri ölkənin cənub-qərbində San Paulo ştatında 10 nəfərin ölümülə nəticələnmiş daşqın və torpaq sürüşməsindən sonra fövqəladə vəziyyət elan edib.

Ştat rəsmiləri bildirib ki, beş saatdan artıq davam edən şiddətli yağışdan sonra Palmital çayının məcrasından çıxması nəticəsində İtaoka yaşayış məntəqəsini su basıb. Hadisə 300-dən çox insanın evindən didərgin düşməsinə səbəb olub. Təxminən 10 nəfərin itkin düşdüyü bildirilir.

İtaokaya aparan yollar daşqın nəticəsində keçilməz olub. Regionda elektrik işığı və içməli suyun verilməsi kəsilib.

Ötən ilin sonu daşqın və torpaq sürüşməsi Espirito Santo və Minas Gerais ştatlarında 41 nəfərin ölümünə səbəb olmuşdu.
XS
SM
MD
LG