Fevralın 3-də Azərbaycan-Ermənistan dövlət sərhədində Ermənistan tərəfinin təxribatı nəticəsində Azərbaycan Ordusunun hərbi qulluqçusu İmran Mirzəyev həlak olub. Bu barədə Azərbaycan Müdafiə Nazirliyinin mətbuat xidməti məlumat yayıb.
Mətbuat xidməti bildirir ki, Azərbaycan Silahlı Qüvvələrinin həmin istiqamətdə yerləşən bölmələrinin keçirdiyi əməliyyat tədbirləri nəticəsində təxribat qrupunun 3 nəfər üzvü məhv edilib.
Öz növbəsində, Ermənistan mediası fevralın 3-də Azərbaycanla sərhəddə yerləşən Berkavar kəndində mülki avtomobilin atəşə məruz qaldığını yazıb. Zərər çəkən olmayıb.
Ermənistanın rəsmi hərbi mənbələri isə Azərbaycan Müdafiə Nazirliyinin məlumatına hələ münasibət bildirməyib.