Accessibility links

Çeyni: Rusiyanın ABŞ seçkilərinə müdaxiləsi müharibə aktı sayıla bilər


ABŞ-ın keçmiş vitse-prezidenti Dik Çeyni

ABŞ-ın keçmiş vitse-prezidenti Dik Çeyni Rusiyanın Birləşmiş Ştatlar prezident seçkilərinə mümkün müdaxiləsini tənqid edərək, bunu düşmənçilik aktı adlandırıb.

Çeyni deyib ki, Rusiya prezidenti Vladimir Putin 2016-cı il ABŞ prezident seçkiləri və Amerikada demokratik proseslərə ciddi müdaxiləyə cəhd göstərib.

"Prezident Vladimir Putin və onun hökuməti və təşkilatlrı bizim fundamental demokratik proseslərə müdaxilə məqsədilə ciddi cəhdlər göstərib"-deyə Çeyni Dehlidəqlobal biznes sammitində çıxışı zamanı bildirib.

Dik Çeyni deyib ki, "bəzi dairələrdə bu, müharibə aktı kimi qiymətləndirilə bilər".

Prezident Vladimir Putin və onun hökuməti və təşkilatları bizim fundamental demokratik proseslərə müdaxilə məqsədilə ciddi cəhdlər göstərib

Keçmiş vitse-prezident Rusiyanın gələcəkdə də belə səylər göstərməyə davam edəcəyini ehtimal edərək, Rusiya prezidentini Baltikyanı ölkələrdə seçkilərə təsir göstətməyə çalışmaqda ittiham edib.

Çeyninin tənqidi çıxışı ABŞ Konqresinin Nümayəndələr Palatası və Senatın kəşfiyyat komitələrində Rusiyanın prezident Donald Trampın hakimiyyətə gəlişi ilə nəticələnən seçkilərə müdaxiləsi ilə bağlı təhqiqat aparılır.

ABŞ kəşfiyyatı Rusiyanın Klintonun kampaniyasının rəhbəri Con Podestanın komputerinə müdaxilə etdiyi haqda nəticə çıxararaq, WikiLeaks qrupunun demokratların Klintonun partiyadan nominasiya qazanması üçün səhnəarxası utandırıcı səylərini göstərən minlərlə emailləri ictimaiyyətə sızdırdığını bildirib.

Kəşfiyyat orqanları Rusiyanın Trampın demokrat opponenti olan keçmiş dövlət katibi Hillari Klintonu məğlub edə bilməsinə kömək məqsədilə seçkiyə müdaxilə etdiyinə dair nəticə çıxarıb.

XS
SM
MD
LG