Accessibility links

Alimlər Çinin şərqində ilk dəfə olaraq insandan insana keçən H7N9 yeni növ quş qripi virusunu araşdırırlar.

Əldə edilən məlumatlar British Medical Journal jurnalında yayımlanıb. Məlumata əsasən, quş qripinin insandan-insana keçməsi halı quşların satıldığı bazarı mütəmadi ziyarət edən qadın və onun 60 yaşlı atası arasında qeydə alınıb.

Atası xəstələndikdən sonra qızı ona ev şəraitində qayğı göstərən qız bir həftə sonra xəstələnib. Bundann bir ay sonra isə qadın vəfat edib.

Buna baxmayaraq məlumatda virusun özünün yayılması imkanının məhdud olduğu bildirilir.

Çin alimləri virusa qarşı peyvəndlər və digər müalicə növlərini inkişaf etdirməyə səy göstərir. Səhiyyə rəsmiləri yüz minlərlə quşu məhv edərək, virusun yayılmasının qarşısını almağa çalışır.
XS
SM
MD
LG