Cənubi Koreya rəsmiləri kommunist şimalla hərbi danışıqların ciddi atmosferdə, siyasi şoubazlıq olmadan həyata keçirildiyini bildirir. Hər iki ölkəni təmsil edən polkovniklər bir neçə saat görüşüblər, və tərəflər sabah da görüşməyə razılaşıblar. Şimalın Cənubi Koreya adasına ötən ilin noyabrındakı hücumundan bəri, bu, tərəflər arasında ilk danışıqlardır. Cənubi Koreya müdafiə nazirliynin sözçüsü iki ökənin yüksək rütbəli rəsmiləri arasında görüş istiqamətində müzakirələr aparıldığını və heç bir tərəfdən siyasi arqument irəli sürülmədiyini bildirib.
Cənubi Koreya şimalla ciddi danışıqlar apardığını bildirir
