Accessibility links

İyun ayının 24-də Londonda “Açıq Rusiya” klubunda növbəti müzakirələr olub. Tədbirdə keçmiş SSRİ-də gedən siyasi və iqtisadi proseslər müzakirə olunub. Amerikalı investor və xeyriyyəçi Corc Soros da keçmiş sovet ölkələrindəki vəziyyətlə bağlı fikirlərini bölüşüb.

Onun fikirlərini "Azadlıq" qəzeti tərcümə edib.

İlham Əliyev mənimlə söhbətində siyasi məhbusların hansı ittihamlarla və hansı şəraitdə həbsdə yatdığını nə qədər dərindən bildiyini nümayiş etdirib.

Sorosun sözlərinə görə, Qırğızıstanın bəxti gətirib ki, korrupsiyaya qurşanmayan prezidenti var. Bu ölkədə demokratik inkişaf səviyyəsi çox yüksəkdir, çünki ən kasıb dövlətlərdən biri olub.

Qazaxıstanın durumuna toxunan Soros bu ölkənin Rusiyadan daha çox uzaqlaşdığını qeyd edib.

“Başqa sözlə bunlar adi postsovet ölkələri deyil, onlar başqadır. Nazarbayev əvvəlki vaxtlarda da başqalarında bir qədər daha maarifçi olub. Baxmayaraq ki, o uzun müddət hakimiyyətdədir və xeyli səhvlər edib, ölkədə xaricdə təhsil almış savadlı orta sinif yaranıb. Dövlət universitetində regionun digər universitetlərindən daha yüksək standartlar var. Xaricdən çoxlu sayda müəllim gəlib. Hakimiyyət Rusiya bazarına çıxmaq üçün xarici kapital cəlb etməyə çalışır”.

Sorosun fikrincə, digər ölkələr Rusiyadan daha çox asılıdır. O nümunə kimi Tacikistanı göstərib.

Prezident İlham Əliyevin hakimiyyəti dönəmində onlarla jurnalist və siyasi fəal qondarma ittihamlarla həbs olunub.

Prezident İlham Əliyevin hakimiyyəti dönəmində onlarla jurnalist və siyasi fəal qondarma ittihamlarla həbs olunub.

Sorosun sözlərinə görə, Qərbin təssüf ki, çox yumşaq yanaşdığı ölkələrdən biri Azərbaycandır. “Azərbaycanda xoşagəlməz diktator rejimidir. Bu ölkənin prezidenti ilə birbaşa danışmaq imkanım olub. O, Azərbaycandakı repressiyalara görə məsuliyyət daşımadığını deyir. Ancaq mənimlə söhbətində siyasi məhbusların hansı ittihamlarla və hansı şəraitdə həbsdə yatdığını nə qədər dərindən bildiyini nümayiş etdirib. Onun etdikləri riyakarlıqdır. Bir çox şeyə görə cavabdehdir və repressiyalardan istifadə edir. O, yeni potensial neft yataqlarını nümayiş etdirərək Qərbi razı salmağa çalışır. Düşünürəm ki, Qərb onu dəstəkləməklə böyük səhvə yol verir”, deyə Soros qeyd edib.

Corc Soros "Soros Fond Menecment" şirkətinin rəhbəridir. 1930-cu ildə Macarıstanda doğulmuş Soros 1956-cı ildə ABŞ-a köçüb. Burada o, investor olaraq milyardlarla dollar pul qazanıb. Sovet İttifaqı dağıldıqdan sonra post-Sovet məkanında demokratiyanın təşviqinə səy göstərən Soros dünyada ən varlı adamlardan biridir.

XS
SM
MD
LG