BMT Baş katibi Kipr danışıqlarında inkişafın olduğunu qeyd edib

BMT Baş katibi Ban Ki Mun Kiprin birləşməsi məqsədilə aparılan danışıqlar prosesində inkişafın olduğunu bildirib. Cənab Ban bu gün Cenevrədə Kiprin yunan və türk icmalarının lidelərilə dörd saatdan artıq danışıqlar aparıb. O deyib ki, tərəflərin idarəçilik, hakimiyyətin bölüşdürülməsi, iqtisadi inkşaf və Avropa İttifaqı ilə bağlı məsələlərdə mövqelərinin yaxınlaşması qeydə alınıb. BMT Baş katibi bildirib ki, görüləsi işlər çoxdur və liderləri gələn həftələr daha artıq görüşlər keçirmək haqda razılıq əldə edib.