Rusiya rəsmilərinin bildirdiyinə görə, bu gün ölkənin cənubundakı Dağıstan respublikasında yaraqlı olduqlarından şübhələnilən iki nəfərlə hüquq- mühafizə orqanları işçiləri arasında atışma olub. Rəsmilər qarşıdurmanın hüquq-mühafizə orqanları işçilərinin paytaxt Mahaçqala yaxınlığında xüsusi əməliyyat həyata keçirdikləri zaman baş verdiyini deyirlər.
RİA-Novosti xəbər agentliyinin bildirdyinə görə, milli anti-terror rəsmiləri qarşıdurmada iştirak edən iki nəfərin polis işçilərinə hücumlar həyata keçirən terrorçu qrupla əlaqəsi olduqlarını deyirlər.