Accessibility links

Daun Sindromunu aşkar edən mobil applikasiya [Video]


Fiziki və əqli çatışmazlığa səbəb olan genetik Daun Sindromu dünyada hər 1000 uşaqdan birində qeydə alınır. Xəstəliyin erkən mərhələdə aşkarlanması həmin uşaqların həyatında böyük dəyişikliyə yol aça bilər. Alimlər Daun Sindromunu doğuşdan sonra dəqiq diaqnoz edəcək mobil aplikasiya kəşf edib.

Daun Sindromu xəstəliyi konkret etnik qrupla məhdudlaşmır. Bu xəstəliyi daha çox yaşı ötmüş anaların dünyaya gətirdikləri uşaqlarda və ya təcrid olunmuş dindar cəmiyyətlərdə görmək olar. İnkişaf etmiş ölkələrdə bu hal doğuşdan xeyli əvvəl müəyyən edilir və qadınların çoxu hamiləliyə son qoyur.

Vaşinqtonda yerləşən Uşaq Cərrahiyyə İnnovasiya İnstitutunun əsas tədqiqatçısı Marius Linquraruya hesab edir ki, xüsusi müayinənin əlçatmaz olduğu yerlərdə genetik qüsurları uşaq anadan olandan sonra diaqnoz etmək çətin ola bilər.

"Aşkar hallarda biz yenicə doöulmuş uşağa sadəcə baxaraq bunu deyə bilərik, ancaq həssas məqamlarda bu, hətta genetik və ya morfologiya üzrə mütəxəssis üçün çox çətindir", deyə Marius Linquraru bildirir.

İnstitutun tədqiqatçıları uşaq anadan olan kimi xəstəliyi müəyyən edəcək kompüter proqramı icad ediblər.

Linquraru deyir ki, proqramdan istifadə olduqca asandır.

Marius Linquraru: Telefonu əlinə götür və şəklini çək. Proqram avtomatik olaraq işləməyə başlayır, bizə uşaqda sindromun olub-olmadığının və xəstəliyin ciddiliyinin dərəcəsini verir.

Proqram yüklənmiş şəkli təhlil edir, uşağın üzünün müəyyən hissələrini bazadakı minlərlə şəkillərlə qarşılaşdırdığı vaxt hətta etnik kökünü də nəzərə alır.

96-97 faiz hallarda sərrast diaqnoz verən proqram təcrübəli morfoloq diaqnozu qədər dəqiqdir.

Linquraru deyir ki, Daun sindiromunun erkən aşkarlanması ana ilə onun yenicə doğulmuş uşağı arasında əlaqə yaratmaq üçün çox vacibdir.

Marius Linquraru: Çünki araşdırmalar göstərir ki, bu barədə sonradan ölçü götürmək çətin olur.

Linquraru həmçinin yeni proqramın istifadəsinin uşaqların Daun Sindiromu üçün genetik müayinəsinin sayını azaldacağını deyir. Bu həm səhiyyə sisteminin xərclərini, həm də valideynlərin emosional məşəqqətlərini azaldacaq.

Alimlər hazırda proqramın mobil telefon vasitəsi ilə birbaşa bazadakı məlumatlara çıxış versiyası üzərində işləyirlər. Bu pediatrlara, tibb bacısına və hətta mamaçaya uşağın şəklini çəkərək dərhal nəticə əldə etməsinə şərait yaradacaq.
XS
SM
MD
LG