ABŞ-ın Azərbaycandakı müvəqqəti işlər vəkili Derek Hoqan Azərbaycanın öz iqtisadiyyatını necə şaxələndirməsi və xarici investisiyaların cəlb edilməsi ilə tanış olmaq mədsədilə Gədəbəy Anglo Asian Mining qızıl mədənində (Bakıdan 432 kilometr qərb) olub.
ABŞ-ın Bakıdakı səfirliyinin məlumatına görə, Anglo Asian Mining şirkəti 2000-ci illərin ortalarından Azərbaycanda fəaliyyət göstərir və ölkənin müasir tarixində ilk qızıl və mis istehsalçısıdır.
Cənab Hoqan Anglo Asian Mining şirkətinin rəhbərliyi ilə görüşməklə yanaşı, ümumi sahəsi 300 kvadrat kilometrdən artıq olan Gədəbəy qurğuları və istehsal sahələri ilə tanış olub.