Beynəlxalq Valyuta Fondunun sabiq rəhbəri Dominik Ştraus-Kan zaminə buraxılıb. O, Nyu-York hotelində cinsi zorakılıq ittihamı ilə bağlı məhkəmə prosesi zamanı azadlıqda olacaq. 62 yaşlı Ştraus Kanın Rikers adasındakı təcridxanadan bu gün azadlığa buraxılıb. Bunun qarşılığında o, 6 milyon dollarlıq vəsait və mülk qoyub. Onun üzərində həmçinin elektronik izləmə sistemi yerləşdirilib və fondun sabiq rəhbəri 24 saat ərzində silahlı mühafizəçilər tərəfindən nəzarətdə saxlanacaq. Bundan əvvəl isə o, öz pasportunu ABŞ rəsmilərinə təhvil vermişdi.
Beynəlxalq Valyuta Fondunun sabiq rəhbəri zaminə buraxılıb
