Accessibility links

Ukraynanın Donetsk bölgəsində hökumət qüvvələri ilə rusiyapərəst separatistlər arasında döyüşlər bu gün də davam edib.

Ukrayna ordusu 700-ə yaxın rus əsgərinin sərhədləri keçərək döyüşlərə qoşulduğunu bildirib.

Ukraynanın silahlı qüvvələrinin rəhbərliyi Donetskin hava limanının tam nəzarətinin ələ keçirildiyini iddia edir. Lakin rəqib qüvvələrin komandiri Denis Puşilin hökumət əsgərlərinin hücumlarına müqavimət göstərildiyini və separatistlərin hava limanına nəzarət etdiyini bildirib.

Reuters xəbər agetliyinin məlumatına görə,döyüşlər zamanı 2 nəfər həlak olub, bir neçə nəfər yaralanıb. Şahidlər yerli xəstəxananın hücuma məruz qaldığını deyir.

Rəqib qüvvələr bir cərrah və beş yaşlı xəstənin yaralandığını deyib.

Tərəflər dinc əhalinin yaşadığı ərazilərin hədəf alınmasında biri-digərini günahlandırır.

Donetskin şəhər şurası isə cümə günündən bəri 8 adamın həlak olduğunu, 29 nəfərin yaralandığını bildirib.

XS
SM
MD
LG