BMT-nin hesabatına görə, son onillik ərzində dünyada HİV halları 20 faiz azalıb. Baxmayaraq ki, hələ də virusa yoluxan insanların sayı 33 milyon təşkil edir. Hesabatda HİV-QİDS-in ən çox yayıldığı Böyük Səhraaltı ölkələr daxil edilməklə, 56 ölkədə vurusa yoluxma hallarının kəskin şəkildə endiyi deyilir. Sənəddə əsasən Şərqi Avropa və Mərkəzi Asiya ölkələrində HİV virusuna yoluxanların 25 faiz artdığı bildirilir. Bu arada ABŞ-ın Milli Səhiyyə İnstitutunun araşdırmaları Truvada adlanan dərman preparatlarının infeksiya riskini 44 faiz azaltdığını göstərib.
Dünyada HİV-yə yoluxma halları 20 faiz azalıb
- Amerikanın səsi
