Accessibility links

DTX dini ekstremizmdə şübhəli bilinən 4 nəfəri məhv edib


DTX əməliyyat zamanı

Azərbaycan Dövlət Təhlükəsizlik Xidməti (DTX) dini ekstremizmdə şübhəli bilinən 4 nəfəri məhv edib, bir nəfəri saxlayıb.

DTX-nin İctimai əlaqələr şöbəsinin məlumatında deyilir ki, dini ekstremizm zəminində xüsusilə ağır cinayətlərin törədilməsinə hazırlıqda şübhəli bilinən Azərbaycan vətəndaşları – “Abu Hafsa” ləqəbli M.Ulubəyovun, “Abdulqərib” ləqəbli Q.Dəmirovun, “Əbdülxalid” ləqəbli F.Sadıqovun, T.Alməmmədovun və “Abdullah” ləqəbli S.Məmmədovun tutulması üçün 2017-cı il yanvarın 31-də xüsusi əməliyyat keçirilib.

“Əməliyyat zamanı qrup üzvlərindən M.Ulubəyov, T.Alməmmədov, Q.Dəmirov və S.Məmmədov avtomat və tapançadan atəş açmaqla birgə silahlı müqavimət göstərərkən qanunvericiliklə müəyyən edilmiş qaydada cavab tədbiri olaraq xüsusi əməliyyat qrupu tərəfindən xidməti silahdan istifadə edilməklə məhv edilib, F.Sadıqov isə şübhəli şəxs qismində tutulub”, məlumatda qeyd edilir.

İctimai əlaqələr şöbəsi bildirir ki, Azərbaycanın hüdudlarından kənarda fəaliyyət göstərən terror təşkilatının tabeçiliyini qəbul etmiş bir qrup şəxsin partlayıcı maddələr və silah-sursat əldə edib dini ekstremizm zəminində ölkə ərazisində müxtəlif yerlərdə terror aktları planlaşdırdıqları barədə Dövlət Təhlükəsizliyi Xidmətinə daxil olmuş məlumat aparılan araşdırmalarla təsdiqlənmiş və qeydə alınmış fəaliyyətləri təxirəsalınmaz tədbirlərin görülməsini zəruri edib.

Hazırda istintaq-əməliyyat tədbirləri davam etdirilir.

Xatırladaq ki, DTX bundan öncə də ölkədə terrorçuluqda şübhəli bilinərək silahlı müqavimət göstərmiş bir neçə nəfəri məhv edib.

XS
SM
MD
LG