Şah Dəniz-2" layihəsi üzrə işlərin 50 faizdən çoxu artıq həyata keçirilib.
Trend-in məlumatına görə, bunu energetika naziri Natiq Əliyev jurnalistlərə deyib.
Onun sözlərinə görə, Cənubi Qafqaz Qaz Boru Kəmərinin genişləndirilməsi üzrə də böyük iş görülüb: "Boru kəmərinin 20 faizindən çoxu artıq tikilib. Gürcüstanda kompressor stansiyalarının tikintisinə başlanılıb. Trans-Anadolu qaz kəməri üçün də boru kəmərlərinin çatdırılması prosesi başa çatıb və qaynaq işlərinə başlanılıb. Bu il Trans-Adriatik qaz kəmərinin tikintisinə başlanılması planlaşdırılır".
N.Əliyev qeyd edib ki, layihənin reallaşdırılması prosesində yarana biləcək mümkün problemlər tezliklə keçiriləcək "Cənub Qaz Dəhlizi" üzrə Məşvərət Şurasının iclasında müzakirə olunacaq.