Avqustun 7-də Azərbaycanın Naxçıvan Muxtar Respublikası ərazisində saxlanılan Ermənistan vətəndaşı Henrix Agetyan avqustun 23-də Azərbaycan-Ermənistan sərhədinin Sədərək rayonu (Naxçıvan MR) istiqamətində qarşı tərəfə qaytarılıb.
Xəbəri Azərbaycanın əsir və itkin düşmüş, girov götürülmüş vətəndaşlarla əlaqədar Dövlət Komissiyası yayıb.
Xatırladaq ki, Azərbaycan və Ermənistan arasında 1988-ci ildən başlanan münaqişə hələ də davam edir. Münaqişə nəticəsində tərəflər minlərlə insanını itirib. On mindən çox insan əsir və girov götürülüb, itkin düşüb.
