Accessibility links

Ermənistan və Rusiya hərbi-texniki əməkdaşlığı genişləndirir


Rusiya tankları

Rusiya tankları

Onlar hərbi-texniki, sərhəd və informasiya mübadiləsini əhatə edən beş sənəd imzalayıblar

İyunun 25-də Ermənistan və Rusiya hərbi-texniki əməkdaşlığın inkişafı haqqında müqavilə, habelə sərhəd məsələlərində əməkdaşlıq və informasiya mübadiləsi haqqında saziş imzalayıblar. Turan agentliyinin məlumatına görə, bu barədə jurnalistlərə Ermənistanın Təhlükəsizlik Şurasının katibi Artur Baqdasaryan Yerevandakı danışıqların yekunlarına görə bildirib.

Baqdasaryanın sözlərinə görə, gələcək əməkdaşlıq üçün ciddi əsas olacaq 5 müxtəlif saziş və müqavilə imzalanıb.

“Hərbi-texniki əməkdaşlıq sahəsində yeni müqavilə ciddi sənəddir, onun imzalanması üçün bir neçə ildir müvafiq iş aparılır. Kosmosdan birgə istifadə, Qarnu müşahidə məntəqəsinin və Bürakan rəsədxanasının təkmilləşdirilməsi üzrə ciddi addımlar atılacaq”, deyə Baqdasaryan bildirib.
XS
SM
MD
LG