Accessibility links

Kişik çavuş Fuad Qafarov Azərbaycan mövqelərinin atəşə tutulması nəticəsində həyatını itirib

Fevralın 11-də axşam saatlarında təmas xəttində Azərbaycan əsgəri həlak olub.

Azərbaycan Müdafiə Nazirliyi xəbər verir ki, Ermənistan hərbçilərinin Azərbaycan mövqelərini atəşə tutması nəticəsində kiçik çavuş Fuad Qafarov həlak olub.

29 yaşlı Fuad Qafarov bu gün doğulduğu Xaçmaz rayonunun Niyazoba kəndində dəfn edilib.

1994-cü ilin mayında tərəflər atəşkəs barədə saziş imzalayıb. 2016-cı il aprelin 2-dən 5-dək hərbi əməliyyatlar yenidən bərpa edilib. Döyüşlər zamanı tərəflər onlarla itki verib, çoxsaylı mülki yaşayış evləri, obyektlər dağıdılıb. Rusiya prezidenti Vladimir Putinin təşəbbüsü ilə tərəflər hərbi əməliyyatları dayandırıb.

Hərbi əməliyyatlar dayandırıldıqdan sonra Azərbaycan və Ermənistan prezidenləri ABŞ-ın təşəbbüsü ilə Vyanada, Rusiyanın təşəbbüsü ilə Sankt-Peterburqda görüşüb. Buna baxmayaraq, münaqişənin danışıqlar yolu ilə nizamlanması istiqamətində müsbət irəliləyişlə bağlı hər hansı açıqlama olmayıb.

Münaqişənin dinc yolla nizamlanmasında vasitəçilik edən ATƏT-in Minsk qrupunun həmsədr dövlətləri (ABŞ, Rusiya, Fransa) hazırki status-kvonun qəbuledilməz olması ilə bağlı dəfələrlə bəyanatlarla çıxış edib.

XS
SM
MD
LG