Accessibility links

Fərhad Bədəlbəyli: "Əsas məqsəd Xocalı Rekviyemini amerikalılara çatdırmaq idi" [Audio & Video]


Amerikada peşəkar səfərdə olan Azərbaycan Musiqi Akademiyasının rektoru, görkəmli piano ustası, professor Fərhad Bədəlbəyli bu turun Qüds Simfonik Orkestrinin dirijoru və bədii rəhbəri Dmitri Yablonski tərəfindən təşkil edildiyini deyib. Hazırda konsert proqramları ilə Nyu-Cersi ştatında çıxış edən Fərhad Bədəlbəyli artıq ABŞ-ın bir çox şəhərlərində konsertlər verdiklərini Amerikanın Səsinə bildirib.

Məqsəd "Xocalı Rekviyemi"ni amerikalı dinləyiciyə çatdırmaq idi.

​Fəhad Bədəlbəyli Amerikaya səfərin Xocalı hadisələrinin ildönümü ilə eyni vaxta düşdüyünü və əsas məqsədin amerikalı dinləyiciləri “Xocalı Rekviemi” ilə tanış etmək olduğunu deyib.

Sahib Paşazadə

Sahib Paşazadə

O, mahir tar ustası Sahib Paşazadə tərəfindən rekviyemin artıq Birləşmiş Ştatların müxtəlif şəhərlərində 17 dəfə ifa edildiyini və tamaşaçılar tərəfindən rəğbətlə qarşılandığını bildirib.

Bədəlbəyli amerikalıların tarzən Sahib Paşazadənin ifasına yüksək qiymət verdiyini və onun hər ifasından sonra hərarətlə alqışlandığını, amerikalıların tara böyük maraq göstərdiklərini deyib.

Amerikada olduğu müddətdə ən yadda qalan hadisələrin hansılar olduğu sualının cavabında Fərhad Bədəlbəyli burada tamaşaçıların dinləmə mədəniyyətinin yüksəkliyinin və kiçik şəhərlərdə belə, güclü akustikalı, gözəl konsert zallarının olmasının ona müsbət təsir bağışladığını bildirib.

XS
SM
MD
LG